کراچیموسمکیتازہکاریمحکمہموسمیاتنےجنوریسےشدیدسردیکیلہرکیپیشگوئیکیہے۔پاکستان میٹرولوجیکل ڈیپارٹمنٹ (پی ایم ڈی) نے جمعرات کو کہا کہ کراچی میں موجودہ سرد موسم 4 جنوری (ہفتہ) سے شدت اختیار کر سکتا ہے۔ اگرچہ آج اور کل (جمعہ) موجودہ سردی میں معمولی کمی واقع ہو سکتی ہے، لیکن ملک میں داخل ہونے والی مغربی ہواؤں سے بلوچستان میں بارش ہو سکتی ہے جس کے بعد کراچی میں سرد ہواؤں کا امکان ہے۔ محکمہ موسمیات نے شہر میں سرد اور خشک موسم کی پیش گوئی کرتے ہوئے بتایا کہ شہر میں کم از کم درجہ حرارت 13.5 ڈگری سینٹی گریڈ ریکارڈ کیا گیا ہے، نمی کی سطح 58 فیصد ہے اور شمال سے 6 کلومیٹر فی گھنٹہ کی رفتار سے ہوا چل رہی ہے۔ موسم کی یہ پیش گوئی اس وقت سامنے آئی ہے جب گزشتہ مہینے پارہ کئی بار سنگل ڈِجٹ تک گر چکا ہے اور شہر میں 9.1°C اور 9.5°C درجہ حرارت ریکارڈ کیا گیا ہے۔ موجودہ سرد موسم کے ساتھ ساتھ شہر میں فضائی آلودگی بھی خراب ہے جس کی سطح 31 دسمبر 2024 (منگل) کو سب سے زیادہ ریکارڈ کی گئی تھی۔ سویٹزرلینڈ کے فضائی معیار کی نگرانی کرنے والے ادارے آئی کیو ائیر کے مطابق شہر کا فضائی معیار انڈیکس (اے کیو آئی) 237 ریکارڈ کیا گیا تھا جو کہ گروپ کی جانب سے "بہت غیر صحت مند" کے طور پر درجہ بندی کیا گیا ہے۔ اس دوران زہریلے پی ایم 2.5 آلودگی کی مقدار — باریک ذرات کا مادہ جو سانس کے ذریعے خون میں داخل ہو سکتا ہے — 162 µg/m³ ماپا گیا ہے جو کہ ورلڈ ہیلتھ آرگنائزیشن (ڈبلیو ایچ او) کی ہدایات سے 32.4 گنا زیادہ ہے۔