برطانوی ریپر اسٹارمی پر قانون توڑنے پر جرمانہ عائد کیا گیا ہے۔ گزشتہ سال مارچ میں، ایک خفیہ پولیس افسر نے برطانیہ کے اس گلوکار کو لندن کے مغربی کینسنگٹن میں ایڈیسن روڈ پر 225,اسٹارمیکونوماہکےلیےگاڑیچلانےپرپابندیعائدکردیگئی۔000 پاؤنڈ کی رولز رائس گاڑی چلاتے ہوئے موبائل فون استعمال کرتے ہوئے پکڑا۔ اسٹارمی کو حکام کی جانب سے ایک خط موصول ہوا جس میں اس نے الیکٹرانک ڈیوائس استعمال کرتے ہوئے گاڑی چلانے کا اپنا جرم تسلیم کرلیا۔ اس لیے، ریپر پر نو ماہ کا ڈرائیونگ بین عائد کیا گیا۔ گلوکار کے وکیل نے وِمبلڈن میجسٹریٹ کورٹ کو بتایا کہ فنکار نے اپنی غلطی تسلیم کر لی ہے۔ ڈسٹرکٹ جج اینڈریو سویٹ کے مطابق، 31 سالہ فنکار کا ڈرائیونگ ریکارڈ "اچھا نہیں" تھا کیونکہ اس کے پاس اپنے پچھلے رفتار سے زیادہ چلانے کے جرائم کی وجہ سے لائسنس پر صرف چھ پوائنٹس باقی تھے۔ اسے اکثر ڈرائیونگ کرتے وقت "خطرناک اور غیر ذمہ دارانہ کارروائیوں" کے لیے تنقید کا نشانہ بنایا جاتا رہا ہے۔ یہ پہلی بار نہیں ہے جب ریپر پر روڈ آفسنس کا الزام لگایا گیا ہے۔ اس سے قبل، اسٹارمی کو 4 فیصد لائٹ ٹرانسمیشن تک ٹنٹ کی ہوئی لامبورگھینی اورس گاڑی چلاتے ہوئے پکڑا گیا تھا، جس کا مطلب ہے کہ اس نے 70 فیصد ضروریات کی خلاف ورزی کی۔ خفیہ پولیس افسر نے عدالتی سماعت میں بتایا کہ اس نے گلوکار سے کہا کہ "ٹنٹ نکال دو اور اپنا فون ہاتھ سے چھوڑ دو۔"